آكليلهـــآ

موضوع: آكليلهـــآ الجمعة أغسطس 07, 2009 3:28 am

صــــبآآآآآح \مســـــآآآء الشعـــر

يـالله ... يـالله تخلــــــــــي لــــي محبـــــتهـا

و تهــــــون الجـــرح في قلبي و ترعــــاها

و تخــــــفف احـــزان دنيــــاها و لوعتهـــا

و تثبــــــت النــــاس لا تخطي .. و تبلاهـــا

يا مفـــــرج الضيـــــــق ريحهــــا بنومتهـــا

اليـــــا اشغلتــــها عن المرقـــــاد بلواهــــا

جمّلها بالصبــر .. و النسيان .. و أسكتهــآ

يـا مبّــدل الحــال شوف الدمــع ... يغشيهـآ

حسيـــــت انا بصوتــها واسباب ضيقتهــــا

من قبـل لا تقــــــول و عيوني تبــــاكاهــــا

من عقـــب ما تشغـــــــل الدنيا بضحكتهـــا

اليوم ما مــــرت الضحكــة على شفاهـــــا

قال الزمــــــن كلمتــــــــه ما سمع كلمتهــا

ما عبــــــــــر احلامها مــع مـن تمنـــاهــا

بين امهـــا و الخــــوال و هــــرج عمتهــا

من غير ابـــوها قريب النـــاس واقصاهــا

يوم اغصبــوها و لا صانـــــوا كرامتهـــا

توجـــهت للكـــــريم و قالـــــت ادعــاهــا

صــــدت و بعيونـها يا كبــــر شرهتـــــها

واقفــــت مهــي مصدقه طعنات دنيــاهـــا

و الطاري اللي تســـبب في نهــــــــــايتها

يــــوم اذكـــرت من يموت بليل فرقاهــــا

هـــــــذاك مــــن تفرح عيــــــونه بجيتهـا

هــذاك من يكتــم الضيقـــات لارضـــاهـا

ضاقت عليه الدروب و بـــاس صورتهــا

ما عنده اغلى من الصـــورة و ذكـراهـــا

هــــذاك و انا اكرهـــــــك يا يوم ملكتهــا

مجنـــونها ما عـرف مـــن ويــن يلقاهـــا

وشلون ابصـــبر على ضيــان زينــتـــها؟

و شلون امـــر بيتها مـــن دون لا القاهــا

لا لولشن متـــــــرفات البيــض حزتهــا

هذيــك ترقـص و ذي تضحك و تنصاها

االمــــــــوت يـا اكليــلها و ورود كوشتها

خــص لا حطـــــت (المســـكة) بيمناهـا

خواتــــها يلفحـــن في ليــل دمعتــــــهـا

ما كنهن عايشـــن مــا صــــار وياهــــا

و اكبر مصـــــيبة اليــــا قاموا بزفتــهـا

و راحت معه و الجروح القشر بحشاها..

للـمبدع

نـــآيف الرشيدي