مــدح القـــبايل

بسم الله ابدي وابتدي نظم قافي=ابيات شعرن ما عليها خلافي
من راس رجالن كريمن سنافي=للمنتدى بذكر جميع القبايل

ومن اولها ببدا ببذكر رجال الخوالد=تاريخهم بالطيب حافل وخالد
ترثت صحابي نعم بعيال خالد=نقالت الرايه على كل عايل


ابذكر السبعان ذربين الايمان=ريف الركاب موكله كل جيعان
لا ثار دخان المعادين فرسان=ما شفت بالسبعان رجال مايل

وابذكر سهول الجزيره الكريمين=رجال في حق المسير موارين
ولا ثارت الهيجا سعوط المجانين=ما قلتها من غير عرف ودلايل

اما الهواجر ياعرب مسند الضيف=ما كد زبنهم سايلن ما لقى ريف
ووقت الملاقا مشبعين المراهيف=تعجبك فزعتهم ليا حال حايل

وان جيت ابذكر مشبعين المعاطيش=عتبان في وقت الملاقا مغاويش
كعام من يدخل على راسه الطيش=في حقهم ما يسعفني مثايل

وابذكر المطران حمر النواظر =تاريخهم معروف ماضي وحاضر
رجالهم وقت الشديدات حاظر=مطران ما ياطون درب الفشايل

وايضا ابذكرلي رجالن مشاكيل=كل عنزه شجعان وايضا حلاحيل
تعجبك فزعتهم على العدل والميل=قروم نسل قروم يانسل وايل

ثم اذكر العجمان سقم المعادين=وقت الملاقا ما دخل قلبهم لين
خطلان الايدي للطويلات ضارين=عجمان قبلي جابهم كل قايل

واذكر بعد ربع السلوم الوفيه=دواسرن شجعان والنار حيه
الدوسري قرمن يشرف خويه=ووقت الملاقا يردعون الهوايل

وابذكر من الطيب ذكر القحاطين=رجالهم كاسب بكل الموازين
وان جت للفزعه رجالن سلاطين=والقول في حق القحاطين طايل

ثم اذكر رجالن قرومن طنايا=شمر ليا ثارت كرام اللحايا
واكرامهم للضيف حطوه غايه=تشهد على ما اقول بدوان حايل

وابذكر رجالن كرامن حرايره=بني تميم ان كان ثارت جسايره
ترى التميمي مزبن اللي يخايره =نعمين منهم طيبين الفعايل

واذكر بعد من عرضها ذكر غامد=رجالهم وقت الشديدات جامد
نعمين منهم طيبين المحامد=من اطيب العربان عون الدخايل

بختامها صلو على سيد الناس=المصطفى المختار من جملة الناس
اللي بعثه الله على مجمل الناس=تعداد ما تبرق بروق المخايل






وســـ ـلآمــتكم

وأتمنى اني وفيت بحق كل القبايل

صح لسسسآن قأيلها وتسلم ايد(ن) ناقلتها